Beranda > Umum > NGARAMAL EUY, TAPI LAIN SOAL KIAMAT IEU MAH, SUMPAH!!

NGARAMAL EUY, TAPI LAIN SOAL KIAMAT IEU MAH, SUMPAH!!


ku Ari KPIN

4. Shio Kelenci

Nu kaasup kana kulawarga shio kelenci, nyaéta jalma-jalma nu kabeneran gubragna ka alam dunyana aya dina mangsa-mangsa di handap ieu:

1. 25 Januari 1963 – 12 Februari 1964

2. 11 Februari 1975 – 30 Januari 1976

3. 29 Januari 1987 – 16 Februari 1988

Jalma nu kaasup kulawarga shio kelenci, nyatana Aam Muharam. Manéhna medal ka alam dunya nincak dina titi mangsa 22 Juni 1963, boga ngaran shio : Hwa Nak An Wéi.

Tah, mun laratan ngaran Aam Muharam jadi Hwa Nak An Wéi, kapaluruh ieu mah. Kabeneran keur alus meureun sinyal modemna, atawa meureun ogé pedah uing meunang pulsa anyar, bati jadi tukang ramal kamari, hehehehe….

Kieu cenah ‘Lur, ceuk javascript ilapat dina situs wangsit nu ku uing dilalanyahan, diterangkeun, yén basa akina Aam Muharam bobogohan kénéh, kungsi ngaragragkeun ucap, yén saupama si curuk raja hanteu bisa ngabéntik, manéhna moal eureun éngklé.

Duka teuing dihaminan ku jurig ti mana, ngan basa akina Aam Muharam laki-rabi, dikersakeun curuk raja-na tong boroning bisa ngabéntik, da dalah usik gé taya tangan pangawasaan, atuh tada teuing wirangna, maklum di lembur, laki-rabi nu teu cumpon kana ngalungsurkeun terah téh osok jadi catur. Kusabab éta, antukna akina Aam Muharam tuluy-tuluyan éngklé nepi ka sukuna ngabadagan, lain ku karana panyakit suku gajah ieu mah badagna téh, tapi heueuh ku éngklé wéh teu eureun-eureun.

Ninina Aam Muharam, kujalaran nyaah ka salaki jeung deuih ogé da can ngasaan khatam jadi pangantén, antukna nyiar tarékah, nya aya nu ngamprokkeun ka hiji dukun lepus ti Pangauban (nu pasti lain Johan K As Uhan, da acan borojol manéhna ogé).

Ku Ki Dukun téh si aki diparancahan, terus dibéré jangjawokan pikeun diwiridkeun. Da mémang niatna hayang cageur, teu nolih kana waktu, beurang peuting akina Aam Muharam ti suksruk ti dungdung terus-terusan ngawiridan éta jangjawokan, ti mimiti maké langgam malayuan, dangdut, kroncong, tur sakur irama séjén nu ku manéhna kacangkem basa keur jadi vokalis grup band t’sand, ngan hanteu sotéh lagam metal jeung andergronan, da acan usum harita mah.

Nincak ka poé nu ka opat ti saprak akina Aam Muharam lalaku, jorojoy sada aya nu ngajurungan pikeun meuncit kelenci keur di ala hampruna. Cindekna, éta hampru kelenci diteleg atah-atah. Ngan orokaya, pahang, pait, hanyir, jeung sabangsana nepi ka tujuh poé dalapan peuting mah, tetep baé aya karasana.

Tah, ‘Lur, teuing naon nu matih tina rupaning lalaku éta, ngan dikersakeun cageur tah akina Aam Muharam téh, da éta mah teu talangké manéhna éngklé versi séjén nepi ka ting burusut reumbeuy para putrana. Hal saperti kieu ogé, kaalaman deuih kunu jadi indung-bapana Aam Muharam, duka teuing atuh nya, naha pédah bakat ku matih éta jangjawokan, naha teuing kunaon. Ngan anu pasti, kusabab pamajikan Aam sieuneun Aam Muharam ogé siga kolot-kolotna (da embung meureun kudu ngiluan tun-ji mah), manéhna tunya-tanya ogé, nya dibongbolongan ku Babah Oséng, saurang ahli nujum Tiongkok nu bubuara di Balé Ěndah. Di antara bongbolongan Babah Oséng téh, salah sahijina aya panitah, yén mun bener pamaké ti karuhun Aam Muharam hayang cambal tur pegat, Aam Muharam kudu disalametan ku ngaran anyar bari dimandian maké getih kelenci.

Didadasaran ku nyaah ka pamajikan, Aam Muharam nurut kana paménta pamajikanana sangka boga ngaran deui jeung mandi ku getih kelenci. Ramé tah, salametanana téh, da dibarengkeun jeung salametan budakna nu katilu. Nya ti saprak éta, Aam Muharam ogé boga landian Hwa Nak An Wéi. Meureun keur ngareugreugkeun karuhun, yén Aam Muharam ogé boga pamajikanana anakan waé.

Kitu tah ‘Lur. Ayeuna ngeunaan ramalan taun maung keur warga shio kelenci. Taun maung keur warga shio kelenci kawilang pentingna. Jadi, Hwa Nak An Wéi, naon nu ku Hwa dilakukeun tur dihasilkeun, éta kabéh mangrupa léngkah munggaran nu penting pisan pikeun karaharjaan nu éngké baris karasa ku Hwa dina taun Hwa sorangan, nyaéta taun kelenci sabada réngsé taun maung ieu.

Dapon kitu, saméméh beubeunangan nu disebut suksés téa, pastina sok aya mangsa-mangsana rariweuh, nu ngalantarankeun sawangan-sawangan, implengan, atawa ideu-ideu Hwa perlu dibebenah. Saupamana ogé nepi ka tikusrukna ku alatan parobahan-parobahan nu aya, sakabéhna éta bisa dijieun pangalaman pikeun Hwa keur léngkah anyar jaga di taun sorangan. Saéstuna, salaku warga shio kelenci, Hwa remen nyiar kahirupan nu basajan. Jeung, saéstuna ogé parobahan-parobahan nu kaalaman di taun maung ieu bakal nimbulkeun katugenah keur shio kelenci. Kujalaran kitu, poma Hwa sing bisa ngariksana tur ngajadikeunana pieunteungeun.

Salila nyorang taun maung ieu, geus sakuduna Hwa tetep taki-taki kana naon-naon anu bakal tumiba. Témbongkeun yén Hwa mampuh nyanghareupan sagala parobahan nu aya. Utamana di tempat gawé. Mibanda sikep nu luwes tur daria, bakal némbongkeun kesan nu hadé jeung bisa ngangkat pamor Hwa.

Hwa, dina taun maung ieu, ogé mangrupa taun nu alus saupamana Hwa rék ngamimitian pacabakan anyar. Naon nu dimimitian taun ieu bakal ngaronjat tur ka ala hasilna jaga. Ngan kadé, lamun urusanana jeung ‘transaksi’, ieu lain taun alus pikeun nyokot résiko atawa ancrub dina urusan duit nu jumlahna gedé.

Di sabudeureun kulawarga, Hwa bakal riweuh ku sagala rupa kamonésan kulawarga. Poma upama manggih karerepet, boh di lingkungan tatangga atawa tempat gawé, ulah asa-asa muntang tulung ka kulawarga. Hwa bakal manggih rupa-rupa kabungah di lingkungan kulawarga. Babaturan-babaturan anyar ogé bakal loba nu nyobat jeung Hwa, nu engkéna bisa dijadikeun pananggeuhan.

Geus saéstuna, pasti aya mangsana Hwa tur warga shio kelenci lianna ngalaman rudet ku rupa-rupa masalah, utamana dina silaturahmi di masyarakat pon di tempat gawé. Omat ulah diheumheum ku sorangan, pénta bongbolongan ka jalma nu dipercaya. Jeung ku katarampilan Hwa dina soal ‘diplomasi’, diharepkeun Hwa bisa nguntupan rupa-rupa masalah éta. Tah, terusna ogé ulah mopohokeun karesep/hobi. Hobi, keur Hwa kacida pentingna, utamana keur pangupah-pangapéh kacapé. Taun ieu, Hwa bakal boga karesep anyar, omat ulah disapirakeun, sabab bakal kapetik hasilna jaga. Ulah poho ogé deuih kana olah raga. Leuleumpangan, sasapédahan, atawa ngojay, alus keur sakabéh warga shio kelenci mah.

Sacarawalana, nasib warga shio kelenci dina taun maung lumayan hadé. Hwa pon warga shio kelenci lianna bakal loba meunang pangalaman nu mangpaat tur mawa mangpaat keur taun-taun kahareupna. Masing ogé aya ngalamanan kahémang, tapi pasti osok baé aya pikeun ngaréréngséna. Ulah dibibisani, taun maung saéstuna mangrupa tincekan munggaran pikeun ngaléngkah ngaraupan suksés di taun kelenci.

(Kitu tah, Pak Aam wiréh nu sanésna nu kaétang kulawargi shio kelenci. Mangga waé dicarandak nu saéna). Cag heula.

Pangumuman, kanggé para pasén, disuhungkeun kasobaranana ngantos pidangan salajengna, kumargi pribados kedah ka pasar heula milarian sasajén. Nuhun.

(Hanca)

  1. 16 Desember 2013 pukul 23:28

    Awesome things here. I am very satisfied to look your post.
    Thanks so much and I’m taking a look ahead to touch you.

    Will you please drop me a mail?

  2. 20 November 2014 pukul 20:09

    For newest news you have to visit internet and
    on the web I found this web page as a most excellent
    site for most up-to-date updates.

  3. 10 Januari 2015 pukul 14:54

    Very good blog! Do you have any recommendations for
    aspiring writers? I’m hoping to start my own blog soon but I’m a little lost on everything.
    Would you advise starting with a free platform like WordPress
    or go for a paid option? There are so many choices out there that I’m completely confused ..

    Any suggestions? Kudos!

  4. 20 Agustus 2015 pukul 03:45

    What i do not understood is in fact how you are not actually much
    more well-liked than you might be right now. You are very intelligent.

    You know therefore considerably relating to this matter, produced me in my
    opinion imagine it from so many varied angles.
    Its like women and men are not interested unless it is
    something to accomplish with Lady gaga! Your own stuffs great.

    All the time maintain it up!

  1. 20 Agustus 2015 pukul 01:05
  2. 11 September 2015 pukul 04:45

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: